E noho tonu ana ngā toenga o Te Patuharakeke kei tūpono ka hoko atu

Ehara i te mea he tūpono noa te hokohokotanga o ngā toetoenga whenua tupuna o Patuharakeke.  Koina te whakapae, ā, koina hoki te pūtake o te noho whenua a ngā uri ki Poupouwhenua i ēnei rā okioki. 

Hei tā Jared Pitman, “Aē, kei te riri i te mea kua ngaro atu tēnei whenua, kua ngaro katoa te whenua o Te Patuharakeke.  Iainei na kua waihotia a Patu Harakeke i te rima eka noa iho te whenua kua waihotia kia mātou.

Kei te takiwā o te kotahi rau mano eka ōna whenua tupuna, ko te whakapae a Patuharakeke, ehara i te mea tūpono noa te hokotanga o ngā toetoenga whenua o Poupoutahi i murua e te Karauna. 

He huhua ngā take tiriti a Patuharakeke kahore anō kia tatū noa pērā anō i te papa reihi hoiho o Ruakākā. 

He wehenga tēnei o ngā whenua maha i tangohia hei mahi hiko engari ka hokona kē te kawana ā-rohe ki āna hoa tata hei papa rēhi hoiho. 

Ka mutu, nō naini rā anō ka tohua e te kamupene hinu o Aotearoa ko tana hiahia kia keri ake anō i te wahapū o Whangarei e ū mai ai ngā tīma kawe hinu.

Hei tā Pitman anō, “Ehara tērā take e pā ki a mātou o Patuharakeke anake, he take nunui mō ngā hapū katoa o Whangarei Terenga Paraoa.  Akuanei pea ka hoki mai, ā, ka hoki mai anō kia tae te mārama ki te Karauna he mahi hē tēnei.”