E ora ana ngā tikanga Tonga mā te inu kava te kitenga a tētahi ākonga

Taroi Black

Kua kite tētahi ākonga i ngā hua o te inu kava e ora tonu ai ngā tikanga o tōna iwi o Tonga. 

Kua riro a Edmund Fehoko mai i Te Kura Aronui o Tāmaki Makaurau i tāna tohu paerua whakaari mō āna rangahau o te inu kava hei whakahuihui i ngā tāne i whānau ki Aotearoa.

Mō te kotahi tau, kua rangahautia a Edmund Fehoko te hītori o te inu kava ki tā te tirohanga o ngā tāne.  He rā hoki mō ētahi uri e noho ki Aotearoa te inu kava hei whakakaha ake i tō rātou reo, te waiata me te whakawhiti whakaaro.

Engari tērā anō tētahi rōpū kare anō kia whakawhiwhi ki ngā hua o te inu kava.  Hei tāna, ko te wawata nui me te tino whāinga kia kaha tonu ngā rangatira o ngā hapori te whakaū i ngā tikanga o tā rātou iwi, ā, ko te kava tētahi o aua huarahi.