E pārekareka katoa ana a Beau Monga i tāna angitu i te hotaka o X-Factor

E pārekareka katoa ana a Beau Monga i tāna angitu i te hotaka o X-Factor. I te whiringa toa inapō, i whakaīngoatia te uri Kuki Airini, o Ngāti Whātua hoki nō Manurewa, ko te toa mō te tau rua mano mā rima.

I kōrero tā mātou karere a Hone-Haunui Rapana ki a rāua ko tōna pāpā, ki a Ryan Monga ao ake i tana wikitōria.

Ka pū te ruha ka hao te rangatahi, koia te reo hou ka rāngona ki te ao puoro o Aotearoa.

I toa te uri Kuki-Airini Māori a Beau Monga i te tau tuarua o te hotaka o X Factor, ā ko tētahi o ngā whainga he whakaatu i tōna ahurea ake.

Ko tētahi kirimana ki a Sony me te waka Mazda ētahi o ngā whiwhi.

He kanohi hākoakona, kua kōrero a Monga mō te āhuareka me te matakuikui o tōna noho ā-whānau.

Kāore anō kia whakatau noa te whānau ka aha kē rātou hei whakanui i tēnei o ngā tutukinga, engari ahakoa te aha, he huarahi e tino mōhiotia nei rātou.