E porotēhi ana ngā kaipāmu mō te kaupapa pāpuni wai o Ruataniwha

Nā te kaha porotēhi a ngā kaipāmu i oho ake ai te puku o Te Matau a Māui i te rangi nei.

E tautokona mārikatia ana e rātou te whakatūnga o te pāpuni wai o Ruataniwha. Ko tā rātou, ki te taurakihia anō te whenua, mā taua pāpuni wai e ora tonu ai ngā mahi ahuwhenua i te rohe.

Huhua ana ngā tarakihana, taraka me ngā waka maha, e whakarārangi ana i tini kiromita tiriti nei. I whakakotahi ai te tū o ngā kaipāmu, kaimahi me ngā pakihi, me whakatū te pāpuni wai ka tika.

Ki tā ngā kaipāmu horekau he wai ki te whangai i te whenua, heoi mā te pāpuni wai e ora tonu a Papatuānuku.

Kāore ngā kaiwhakangao pūtea i te hiahia ki te utu, i whakatūria e te kawanatanga he poari tirotiro, ātete hoki ana te iwi. Engari, ki tā ngā kaipāmu, kāore ngā tāngata e paku mārama ana ki ngā hua ka puta mo ngā whakatupuranga kei te heke mai.

E noho tōtara waahi rua ana ngā whakaaro o ngā tāngata o Te Matau a Māui me te motu hoki, heoi, kei ngā ringa o te poari tirotiro, te whakatau whakamutunga.