E hia rau ngā turuhi ka tere atu ki Motu Kōkako ia ra i tēnei wahanga o te tau mā runga waka moana kaipuke ranei kahore hoki he kapa kotahi e hāere ana ki te iwi no rātou tēnei motu.
Hei tā Rau Hoskins te heamana o Motu Kōkako Trust, “Ta matou mahi he whakāatu I o matou nawe o matou raruraru e pā ana ki enei kamupene tapoi me a rātou tango mana takahi mana. Te nuinga o rātou e tino kaha rātou kit e tautoko I a matou kaupapa ae he rawe.”
Ki ngā ata tatau o Te Kāea, kei te takiwa o te whā tekau mano tāra te hua kia Fullers i tēnei ra anake mō ngā wha rau pahihi i kawea e rātou i ngā haerenga e rua ki roto i te kohao o te toka nei.
No te rā nei i whakāe ai ngā rangatira o Fullers me Mac Attack ki te kōrero kia Te Kāea mō tēnei take engari ka tomuri rawa tētahi katahi ka huri ngā whakāro o tētahi engari e matau ana ngā kaitiaki o Motu Kōkako.
Kia patua ra ano ngā pukoro o te hunga nei katahi ano rātou ka hiahia ki te korero.
Ka hāere tonu enei poroteihi mō te roanga ake o tēnei raumati.
