I te ra nei, i haukoti te rori o Picadilly i Tautoro, e toro atu ana ki nga huarahi o Mangakāhia, o Tautoro hoki kei waho mai o Te Kaikohekohe, ki ngā taraka kawe poro rākau.
Hei tā te hunga noho o Picadilly, i puta ā porotēhi mai, arā te whakaaenga a te kaunihera o te raki, a rohe hoki kia kite i te whakamaenetanga mai o te rori i te tau 2008, engari kahore anō ēnā tūmanako kia tutuki noa, ka mutu, kua kake mārikatia te nui o te puehu, a, ngau kino ana ana para i te hauora, i te noho whakamarumaru hoki a te hunga noho tata.
Kua hōha te hunga noho o te rori o Picadilly, ki te whakatutū puehu a ngā taraka kawe poro rākau
Ko tā te hunga nei, mai anō i te wā o te kirihimete, kua kake ake te maha o ngā taraka e para ana i te rori, ā, e 80 tae atu rā ki te 140 taraka ia rā, ia rā ka kitea ki Picadilly.
Kua oti i te Kaunihera o Te Raki te whakatika i etahi wāhanga o te huarahi, engari, hei te kaiwhakahaere o te porotēhi, ka whakatārewangia ngā mahi, ā, kīhai te take nei i wānangahia me te hunga noho ki taua rori tonu.
Hei tā Willie Maihi , ko ngā pānga o te puehu o te tau 2008 i kitea, he toru tekau paiheneti nui ake i tā te nama e noho haumaru ai te hā o te tangata, ā, kahore hoki ia e mohio ana inaianei, he pehea nei te kino ake o ngā pānga.
