E pukuriri ana te whānau o tētahi tāne mate pūira kehe, i aukatia tāna kuhu atu ki tētahi toa

Ki Ahitereiria, e pukuriri ana te whānau o tētahi tāne mate pūira kehe, i aukatia tāna kuhu atu ki tētahi toa tāhiko ki te Uru o Poitīkape. 

Ko tā tōna whānau, he mahi whakahāwea tēnā, ā, kei te rapu te whanau i ngā tohutohu a te ture.

James Milne, rua tekau mā tahi ngōna tau. He tāne hūmārie - he mate Pūira Kehe tōna.

Hēoi kei te pukuriri tōna whānau, i aukatihia ia e tētahi tangata tautiaki ki tētahi toa mihini hiko a JB HiFi i Mt Ommaney i Poitikape.

Nā Victoria te take nei i tuku ki runga i a pukamata, e mea ana, ka pōhēhētia tana tungāne e taua kaupare māhie, mō tētehi atu tāne mate pūira kehe, he mā tōna ahua, kua aukatihia e taua toa, engari, nō Whītī me Ahitereiria kē a James, he parāone kē tōna kiri.

Whēoi, hei tā Daryl nā wai i hē, kātahi ka hē kē atu, kihai tonu te kaiwhakahaere o te toa, i whakaae mai kia tomo atu a James

I whakapā atu te whaea o James ki te kaiwhakahaere o te toa, hei whakapāha ki tāna tama, engari auare ake. 

Whēoi, kua puta urutā atu taua amuamu ki runga i a pukamata, ā, ināia tata nei, kua tuku whakapāha te Tumu Whakarae o JBHi-Fi, a Richard Murray, ki a James me tōna whānau.