E raru nei te whānau o te kōtiro i ngaro ki Kawerau

Ko ngā mahi whakahāwea kua pā ki te whānau o te kōtiro, whitu tau te pakeke i ngaro ki Kawerau inanahi nei. Hei tā Ngati Tangira ko te mea nui kua kitea, ā, kei te pai tana tamahine a Hine-Ataahua, ahakoa tēnei raru. Kua waru tau a Ngati Tangira e noho ana ki Kawerau, engari i te ngarohanga o tana tamahine, e whitu tau te pakeke i te pō rā ka tahuri atu te hapori ki te awhi i a ia. “He mihi tēnei ki te hapori i awhi i tautoko i te pō rā, ngā mihi, kei te kainga.” Nuku atu i te rua rau te hunga i awhina ki te rapu i a Hine-Ataahua, whitu tau te pakeke. Ka rere whānui te tono ki runga ipurangi heoi ko ngā kōrero whakahoki i mamae. “Me mutu ngā kōrero whakahāwea, ko te mea nui kua hoki mai taku pēpē”. Ko Brenda Wardlaw tētahi i tae ki te kimi i te kōtiro inanahi rā, ā, ko te mea nui i kitea. “I te kī te wāhi whakatū i ngā waka o 'Te Ao Hōu' i te pō rā, i to mātou taenga mai ka whakarite te haere ki ngā kūaha i roto i te haora ka kitea te kōtiro i te mea kē I runga i te tūru o te whare o tōna hoa”. Neke atu i te ono mano ngā tāngata e noho ana ki Kawerau na tērā i tere to rātou whakakotahi i a rātou “He tūahuatanga tino mataku tēnei mo ngā mātua, ka pērā hoki ahau he wāhi haumaru a Kawerau ki te pērā ka kotahi ai te hāpori” ki tō Lilly Putt Williams. Hei tā ngā pirihimana i kitea te kōtiro i te pō rā, ā, kua mutu te raruraru.