E rere ana ngā kupu tautoko ki Te Reo Irirangi Māori o Tautoko i kainga e te ahi

E rere ana ngā kupu tautoko a te hapori o Mangamuka, otirā o ngā iwi me ngā reo irirangi o te motu ki Te Reo Irirangi Māori o Tautoko, tētahi o ngā reo irirangi matua o Te Taitokerau, i kainga e te ahi kapura nui inapō.

E au tonu ana te pouri i tēnei whare kua meatia e te iwi, ko te manawa tonu o tēnei hapori.

Hei tā te Heamana o Tautok FM, a Hori Chapman, “I roto i ahau ko taku tino tūmanako kaore e tika ana, kaore te whare katoa i toro.”

Whai muri i tā tēnei kapura nui i kaingia ake tēnei reo irirangi Māori.

Ā, ko ngā hītori pēnei i ngā uiui kōrero me ngā kaumātua, he mea kainga e te ahi.

Waru tekau mā waru te tau, ka puta tuatahi te reo o Tautoko FM ki ngā iarere, me te mea nei, ko rātou te reo-pāpaho Māori tuatahi ki Te Taitokerau.

Tērā te tūmanako nui a Tautoko, he oranga anō kei tua i ngā matikara o Mahuika nei

Hei tā Hori Chapman, “I tēnei wā kua toro tō mātou nei whare, heoi anō ehara i te mea ka oti i reira, ka haere tonu ngā mahi.”

Kahore anō kia puta he ripoata ki te take, engari e haere tonu ana ngā mahi whakatewhatewha a ngā Mana.