E rere ana ngā whakapae i te whānako kūkupa te heamana-a-iwi o Ngāpuhi

E rere ana ngā whakapae i te whānako kūkupa te heamana-a-iwi o Ngāpuhi a Raniera Tau.  Horekau ia i wātea ki te kōrero ā-kāmera mai ki a Te Kāea i tēnei rā, engari e mea ana ngā pirihimana kahore rātou i te mōhio mō tēnei take, ā, kahore hoki Te Papa Atawhai i te tuku kōrero mō tēnei take. 

He kūkupa ēnei e tiakina ana i tētahi whare haumanu i Te Tai Tokerau.

Ka mutu, e kotahi rau mano tāra te hamene ina mau te tangata e whakamate ana i te manu kotahi.

Kātahi anō ka puta he kōrero ia Sonny Tau e mea a ana i uiuitia a ia e Te Papa Atawahi mō tētahi kūkupa kotahi kei a ia. 

Ko tāna he mahitahi i te taha o ngā kaitirotiro i tēnei āhuatanga ahatia kahore anō kia uta he hamene ki runga i a ia. Ka mutu e pāpouri ana ia mō tana hē.

Kahore hoki ngā pirihimana e mōhio ana mō tētahi āhuatanga e pā ana ki ngā manu kūkupa, ka mutu e mea ana te Tari Papa Atawhai, e kore rātou e tuku kōrero e tuku whakamārama rānei i te wā o tētahi tirohanga.