E rere ana te aumihi o Adam Blair ki ngā rangatira hou

E rere ana te aumihi o Adam Blair ki ngā rangatira hou o te karapu Warriors ki a Richard Fale me tana rōpū whakahaere.

Kua puta ngā whiriwhiringa korero, e whakaae ana te rangatira o ngā Warriors a Eric Watson ki a hokona atu tana karapu NRL ki te kaipakihi noho kaingarua ki Hawaii.

Hei ta Fale ki te hunga pāpaho, kua ea ngā korero. I oho a Adam Blair ki te karere kua hokona atu te karapu mo te rua tekau miriona tāra.

Ko te kaipakihi nei a Richard Fale me ōna hoa kaipakiri ngā rangatira hou, kua whakaae atu a Eric Watson ki te utu, hei tērā marama riro ki a rātou te mana whakahaere.   

Kei runga noa atu te kapa Warriors i tenei wā, a, e aro whakamua ana te taha pakihi o te karapu. Hei tā Fale ka haere tonu ngā mahi.     

Hei ta Blair, e tika ana kia mihia rātou katoa e kōkiri ana i te kaupapa matua o te karapu. 

Hei ngā wiki e heke mai nei tau mai a Fale ki Aotearoa nei ki te whakatutuki i te whakaaetanga.