Ko Kaiwhare "Don't Blink" Kara-France e ahu atu ana ki te wiki whakamutunga o āna whakariterite i a ia e takatū nei ki te whawhai atu ki a Brandon Moreno nō Mehiko ki Las Vegas ā tērā wiki i te UFC 245.
Ki te toa te uri Māori kei te taumata tuaono i te wāhanga flyweight, ko te taitara UFC kei te pae tata, ā kua ora te tinana, kua rite.
"I'm just excited to kind of get in there now, just kind of done all the work, 8 weeks, 10 weeks of training so now is just fun time."
Ka tū ko te whawhai tuatahi tēnā a Kara-France i Amerika, ā ko tana tuatoru i tēnei tau whai muri i āna whawhai ki a Raulian Paiva i Poipiripi i te Hui Tanguru, ki a Mark De La Rosa hoki i Shenzen i te Hereturikōkā. Ko tōna hoariri ā tērā wiki, ko Moreno, e tino mōhiotia ana e Kara-France nō rāua i te whakataetae Ultimate Fighter i te tau 2016.
"I'm expecting a tough fight out of him. He's going to bring the fight to me, but I've been training just as hard. He's number five in the world, I'm number six. He's where I want to be, so I'm going to be doing everything I can in my power to make sure that I get past him and get the win," tā te kaiwhawhai e 26 tau te pakeke.
Kei te hanga rite tana huarahi ki tērā e whāia ana e tōna hoa nō City Kickboxing, e Dan "Hangman" Hooker i te wāhanga Lightweight, mā te toahanga e tau ai ā rāua ekenga ki ngā tūranga toa e rima, ā ka āhei te tono wawe kia whawhai mō tētahi taitara o te ao.
Kua ekenga panuku a Kara-France i āna whawhai UFC e toru ki muri, otirā i āna whawhai e rima hoki i mua i te whakaaetanga a te Perehetini UFC, a Dana White kia kōkuhu atu ia ki te UFC, ā he koura ka piata pea i ōna kamo ā tērā tau, "it's definitely going to be an exciting year for me. I'll be on a nine-fight win streak by then. There's not many guys with a win streak like that, so I feel like that will separate me from the pack and it will be hard to deny me for a title shot. So hopefully 2020 we do get a title shot, and I become the flyweight world champ."
Kotahi te toa o te ao kei City Kickboxing, ko te toa Middleweight o te ao, ko Israel Adesanya. Ko Alexander "The Great" Volkanovski ka whaiwhai mō te taitara toa featherweight o te ao, te tuarua o ngā whawhai matua ki Las Vegas ā tērā wiki.
Hei tā Volkanovski, he tohu tēnei o te mahi nui me te manawanui o te katoa o te whare ki te whawhai. Ināianei, ko rātou katoa e whaiwhai ana i ngā taitara toa.
"Izzy started that obviously winning that belt. I'm going to win this belt. Dan will get that belt. The belts are just going to keep coming back to this side of the world.
“We're just going to sit back and say “we told ya so”. That's not bragging, not cockiness it's just we're some of the best fighters over here, and we're showing the world that every day."
Ka wehe te tokorua ki Las Vegas hei te mutunga wiki nei, ko te wiki whawhai whakamutunga mō te tau 2019, he tau i eke ai ngā kaiwhawhai CKB ki ngā toahanga 10 me te 0 hinganga, ā e whakapono ana a Kara-France ka 12-0 hei te mutunga o UFC 245.