Ko te tau kikino rawa atu tēnei o ngā tau tākaro a te Ōpango o mua, a Nehe Milner-Skudder. Kaare ia i eke ki te papa tākaro i te tau 2019 nā te auau o te ngau o ōna wharanga, ā hei tā te paehau toa nei, he wā pāhekeheke i tau ki runga i a ia, i taumaha hoki ngā whakaaro.
Kua ara ake anō a Milner-Skudder, ā kātahi anō ia ka tohua hei kanohi mā te kaupapa e kīia nei ko Head First nā te Uniana Whutupōro o Aotearoa hei kaupare i te mate whakamomori. I mahi tahi hoki rātau ko te kāwanatanga ki te whakatū i te tuatahi rawa o ngā tari ā motu hei kaupare i te mate whakamomori.
Kua waia ia ki te tīpatapata hei karo i te hoariri i runga i te papa tākaro, heoi ināianei kei te rutu i te mate whakamomori, rae ki te rae.
"I been fortunate enough to play rugby and yeah when we got out onto the field you know we all gotta be brave and courageous but that looks different when you’re off the field and I think conversations are starting to happen," te kōrero a Milner-Skudder.
Ko te tuatahi rawa o ngā tari ārai i te mate whakamomori o te motu i whakatuwherahia e te kāwanatanga ki Pōneke i te rā nei. Koinei tētahi o ngā tūtohutanga e whā tekau i puta i te uiuinga nui a te kāwanatanga mō te mate hinengaro.
Hei tā te Pirimia, hei tā Jacinda Ardern, "This is about having an absolute focus on all of the complex issue's that contribute to suicide. And acknowledging that actually one death is one too many."
E ai anō ki a Milner-Skudder, "There’s been that stigma around what it means to be strong and brave and a lot of that was not talking about emotions and having to harden up and things like that."
He wāhanga tēnei kaupapa o te tahua oranga a te kāwanatanga tūhono nei, ā kua whakatōkia te kotahi ira iwa piriona tāra ki ngā mahi oranga hinengaro, take waranga hoki, ko te whakangaotanga nunui rawa tēnei ki te rāngai kua kitea i Aotearoa nei, mai anō.
Ko tā Pirimia anō,, "A big part of that is about making sure that there are new frontline services to assist people, right at the beginning of their stress rather than waiting until they're in an acute state."
O te $1.9 piriona, neke atu i te $60 miriona tāra ka whakangaohia ki roto i ngā rautaki kaupapa Māori.
Hei tā te Minita Take Hauora, a David Clark, "What’s important about that is, is that its co-designed, that the design is led by Māori for Māori, and Pacific communities also. Also in that new frontline service across New Zealand its $455 million over four years, $62 million of that is exclusively for kaupapa Māori services."
Ko te āpitinga kōrero a Milner-Skudder, "I think if you have a platform of influence, than you might as well use it to benefit, but in saying that it’s a collective issue as well, you know, us as a whole country we need to jump on board and start doing things a bit better."
Kei te kōmata o ngā tatauranga o te wā ki Aotearoa nei, ko te mate whakamomori, ko te ono rau, e waru tekau mā rima i mate momori ai i te tau kua hipa. He tata tāpara rua tēnā i te hunga e 377 i mate i te tukinga waka i tērā tau.