E takatū ana ngā kaitākaro pā whutupōro o Aotearoa mō te whakataetae Open Trans-Tasman Test Series

Rahia Timutimu

Ka wehe atu ngā kaitākaro toa o Aotearoa ki te pā whutupōro ki Ahitereiria i tēnei wiki, ki reira tuki atu ai ki ngā kapa o Ahitereiria ki te whakataetae mō te Moana Tāpokopoko o Tāwhaki.

Nō te ata nei i tūtaki ai a Te Kaea ki ētahi o ngā kaitākaro o te kapa tāne, i mua i tā rātou rere atu ki tarawāhi.

E hia ngā wā kua rere atu a Mita Graham i te Ao me te kapa tāne pā whutupōro o Aotearoa

Inaianei he haerenga anō kei mua i te aroaro, ā, ko te whakataetae Open Trans-Tasman Test Series tērā ki Mudgee i Poihākena.

I tēra tau i te whakataetae ā Tāhimana, wikitōria ai a Aotearoa, whai muri i ngā wikitōria o te kapa Ika a Whiro Tāne, Hanumi hoki. A, ko te hiahia o Mita kia pēratia anō

Ko tētahi o ngā kaitākaro hōu kei te kapa Tāne, he tauira o te kura o Tai Wananga, ko Jerome Nonoa

Tekau mā rua marama e toe ana ki te whakataetae pā whutupōro ā ao, kāre e kore e hiahia ana ngā whenua e rua kia wikitōria i tēnei whakataetae.

Hei tēnei Rāmere tīmata ai te whakataetae mo ngā rā e toru, hei te Rātapu ngā whiringa toa.