He kotahi rau tau kua hipa nō te tukunga hoia o Aotearoa ki te pakanga tuatahi o te ao. I tēnei tau, e takatū ana ngā uri o ētahi o rātou i hinga ki te whai i ngā tapuwae ō ō rātou kaumātua.
Ko Herb Christophers tētahi, tokowhā o ōna koroua i haere hoia atu ki Turkey. Kei runga ia i te kaipuke o Kuini Irihapeti kua herea ki te wāpu o Tāmaki Makaurau i mua i tāna terenga atu ki te kawe i ngā putiputi whakamahara o Aotearoa, otirā ki te whakahōnore i ngā hoia.
Te rangatū o te pāpā, o te tungāne, o te tama, ā, o Herb Christophers hoki, he mokopuna.
I tohua e Herb hei kaitiaki i ngā putiputi whakamahara o Aotearoa, ka haria ki Tāke, kia whakahōnoretia ai ngōna tūpuna me ngā hōia i hinga i te pakanga tuatahi o te ao.
I whawhai hoki ngā kaumātua o Otene Rewiti ki tēnei pakanga, i whai tūranga ia ki te whakamihi ki a rātou, otirā ki ngā tini hōia katoa.
Hei te pō nei ka wehe atu te waka o Kuini Irihapeti ki Ahitereiria, whakanui ai i tēnei kaupapa, mai i reira, ka tere te waka nei i te terenga i terea ai e ngā hoia i te kotahi rau tau ki muri ki Gallipoli.
