E tārere ana ngā mahi whakapaipai i Tūranganui a Kiwa

E tārere ana ngā mahi whakapaipai i Tūranganui a Kiwa. Nā te taumaha o te marangai ki te rohe inapō, i waipuketia ai ētahi wāhi.

Koinei te waipuke nui rawa atu kua kitea e te iwi kainga; he paru, he oneone āna mahuetanga mai.

Inapō nei i waipuke te awa o Tūranganui, me te aha, i waipuketia ngā kainga tata, engari, i te rangi nei ko te mahi nui he whakapai i ngā hamuti, ngā rākau me ngā parapara.

E ai ki te koromatua o Tūranga Nui a Kiwa, a Meng Foon, “Ko te āwangaawanga o ngā kai pamu i te tuawhenua ko ngā rori kua horo te paruparu me ngā toka i te rori rā me ki waipuke kei runga i ora tonu whenua.”

Nā te āwha ētahi rākau kaitā i turaki, e hia nei ngā hāora kua whakapaua ki te whakapaipai i ngā kāinga.

Hei tā Todd Greene, “Ka mau ki te wehi he tino hoha kei te ngenge, kei te whati taku tuara kua pau te kaha i tēnei wa hēoi anō kei te ora tātou.”

Kāore anō te rangi kia tihore ake ki runga i Tūranganui a Kiwa, nātemea, ka heke tonu te ua hei ngā rangi e toru e tū mai ana.