E whai ana tēnei karanga i te ekenga tua ono a te tira toa o Aotearoa i te whakataetae poiuka o te ao.
Ko te hiahia, kia rahi ake i te whā rau, rimā tekau mano tāra ka riro i a rātou ia tau. Kare he kapa i tu ātu i te kapa Black Sox te kapa o nga kapa o Aotearoa.
Whai muri te ekenga a te kapa ki runga i a Venezuela i te whiringa toa whā ki te kotahi.
Inaianei, kua tae ki te wā me piki ake tōna pūtea tautoko.
E ai ki te rautaki tuku pūtea tautoko o Ihi Aotearoa, ki te puta te ihu ā te kapa, ka piki atu te rahinga pūtea tautoko, nō reira e ngākau māia ana tōna poari matua, ka hōnoretia rātou.
Hei tā te kaihanga rautaki, hanga aronga a te kapa a Craig Soper, tohunga pakihi hoki me whānui rā te titiro a te takaro Poiuka ki te taha mahi moni.
He kongakonga noa te putea ka utua ki ia kaitākaro mo te tākaro mo Aotearoa i tēnei tau, nā tā rātou kaha, he tohu pea, kua tae te wā kia whakanui ake i te tautoko ā whēnua mō tēnei tira kaha.
