E tautoko ana te Pāti Māori i Te Pire Whakapānga tūkino-a-tihi

E tautoko ana te Pāti Māori i Te Pire Whakapānga tūkino-a-tihi hei huarahi whakatika i ngā nawe o te tangata, i raro i te ture.

Ākuanei ka tae te pire ki tōna pānuitanga whakamutunga.

He ture hou hei takahi i ngā kaiwhakaweti ā-ipurangi kua eke i te pānui tuarua.

E ai ki a Sean Lyon nō Netsafe, “E whakaitia ana te tangata i runga i ngā mahi hangarau ā-ipurangi, ā, he uaua ki te whai whakaanga, nā tērā take me whai ture hei awhi i te tangata.”

Ki tā Te Ururoa Flavell, “Ko te āhuatanga o te mamae kua pā ki ētahi i te mea i whakairia i te whakāhua ētahi kōrero ki runga i te ipurangi, nā reira i whakāro ake me tautoko i tēnei pire kia kore tērā āhuatanga e pā ki tētahi atu.”

Ka whakawā a ture nei Te Pire Whakapānga tūkino-a-tihi i ngā tukinotanga ā-pāhekoheko, ā-pātuhi e whakatumatuma ana i te tangata.

Hei tā Te Ururoa Flavell, “Mā tēnei pire he mea aukati tēra, ā ko te tauira ko tēra e pā ana ki te roast busters.”

Ki tā Sean Lyon, “Hei akiaki, hei awhi i ngā tangata i patua e te mamae, mē ēra e whakaweti ana.”

Ko ngētehi o ngā tikanga taupa o roto i te pire ko te whakarite tari hei arotake i ngā amuamu, te whakarite ara hei tuku i aua amuamu ki te kōti, ka taea te tono kia unuhia aua kōrero, ā, he whakawhiu ā-ture mō te hunga whakaweti.

E ai ki a Sean Lyon, “Ka maha ake ngā tangata e mōhio ki te whakatika i ngā hē.”

Hei tā Te Ururoa Flavell, “Ko mātau ko te whakarite i te huarahi hei whainga, engari i tonu mutunga, kei te āhutanga o te tangata te hiahia.”