I tēnei wā, whakahaeretia te whakataetae poiuka mo ngā taitama kei raro ngā pakeke i te tekau mā iwa tau ki Tāmaki Makaurau, karapine ai ngā kapa tekau nō ngā tōpito katoa o te motu ki te kite, ko wai te kapa toa o te motu.
He hiahia nō ēnei kaitākaro te wikitōria i te taitara ā-motu, ahakoa te marangai.
Nō ngā tōpito katoa o te motu ngā kapa, ā, kei konei rātou tae noa ki te Rātapu, kia kitea ai ko wai te kapa toa kei raro ngā pakeke i te tekau mā iwa.
Ko Tāmaki Makaurau ngā kaiwhakangungu o te taitara, heoi, tēra te tūpono ka uaua pea mā rātou ki te kapo anō i te taitara.
Nō te rā nei tuki ai a Tāmaki ki te Tonga ki a Otautahi. Nā tēnei hapa o Tāmaki ki te tonga i raru ai rātou, e rua ā rātou piro i tutuki.
Heoi i whai hua anō a Tāmaki i ō rātou hapa.
I tuki ai a Te Whanganui-a-Tara kia Tāmaki tuarua, ā, he pakari a Te Whanganui-a-Tara i te tīmatanga, me te whai ngā oma e rua ki te wāhanga tuatahi, e rima ngā oma ki te wāhanga tuarua.
Hei tēnei Rātapu tū ai ngā whiringa toa.
