E whakapono ana te mema o Te Tai Hauāuru a Adrian Rurawhe, ka turakina a Nāhinara e Reipa i te pōtitanga o te tau rua mano tekau mā whitu.
I tōna tūrangawaewae, i Rātana Pā, ko Rurawhe hei ringa rāhiri i te hunga tōrangapū i tēnei wiki, heoi, arā ētahi e mea ana kua rerekē i a ngāi tōrangapū te wairua o te hui, tōna tikanga, hei whakanui i a Tahupōtiki Wiremu Rātana.
Kua tekau ma rua tau te roa e riro ano ai i a Reipa te tūru o Te Tai Hauāuru, otirā e ai ki a Rurawhe, he tohu tēnā e koke ana tōna iwi.
Hei tā Rurawhe, “Tū ana te Hāhi Ringatū, te Kīngitanga me Rātana, tuku atu ngā kōrero ki ngā rōpū tōrangapū katoa kei roto i to rātou kōrero he wero ki te katoa o ngā pāti e tika ana kia tū kotahi ngā iwi o te motu kia tuku a rātou whakaaro ki ngā pāti tōrangapū.”
Tokomaha ngā māngai nō ngā iwi i te paepae o Rātana i tēnei wiki, ā, e mārama ana ngā kaitōrangapū he ara pai tēnei hei whai kaitautoko i o rātou rōpū.
