E manako ana te kapa o Whiti Te Rā kia riro ai tētāhi taitara anō, arā ko rātou tērā e tuki ana ki a Wainuiomata i te whakataetae rīki o te Whanganui-a-Tara ki Pito-one. Nō tērā tau tū tuatahi ai, kore rawa rātou te kapa nō Ōtaki i hinga, ā, i tūraki katoa rātou i ngā hoariri.
E whiti ana te rā, e rite hoki te atamira, e tatari ana te taonga.
Hei tā Tanira Cooper, "Hikaka katoa rātou nā te urutomo mai ki tēnei wāhanga o te tātāwhāinga."
I mua i tākaro rātou ki te rohe o Manawatu ēngari nōnā tata nei ka nuku mai ki Te Whanganui-a-Tara, ko te hinga kore te take. E whakapae ana ko ngā tikanga Māori pea rātou i toa ai.
E mea ana a Tanira, "He mea nō tuawhakarere tēnei ko te whanaungatanga. Ko te noho tahi a ngā teina me ngā tuakana i raro i te whakaaro kotahi."
Ahakoa te ngaronga o ngā tino kaitākaro pēnei i a Manaia Osborne ka tāea tonutia e rātou te eke ki te whiringa toa. Kua hoki tēnei pātiki ki tōna puehu hei kaiāwhina i te aru o te taitara tuarua.
"Tana haere atu ki Tāmaki (Makaurau), hoki tonu mai ia ki te whakawai, ki te whakahaere i te tīma, ki te whakarautaki anō”, te kī a Tanira.
Ka whai whakaaro ki Tāmaki, ka whakahokia mai ki te kāinga, kia nui ai tō tātou nei pukenga.
I te rauna tuarima ka rongo ratou i te hinanga tuatahi, ā, ko Wainuiomata te hoariri. Engari hei tā ratou, kua rite inaianei.
E kī ana a Manaia, “Ka whawhai tonu a Wainuiomata, tae noa atu tērā whio whakamutunga. Nō reria, kore tātou tō tātou whakapakari e oti ki taua wā.”
E mea ana a Tanira, “Mēnā e mea ana te kaiurungi o tēnei waka kia kaha ki tātou ki te ū ki te rautaki, koinā tāna te kaiwhakahaere e hiahia ana.”
Pai tū, pai hinga, he tutukinga te arunga o te taitara ki tētahi whakataetae taumaha o te motu.
