E whai ana te kapa Mystics tā rātou wikitōria tuatahi ki te kapa Firebirds

Rahia Timutimu

Ko te hinga mā te tekau mā ono piro te hinanga nui a te kapa Mystics i tēnei tau ki te whakataetae poitarawhiti ANZ, ki te kapa Swifts i ngā rā whakangā.

He maha ngā take i pēnei ai, i whakatahahia te toa kaikuru a Catherine Latu i te haurua tuatahi, he mamae tuarā tōna, ā, i hou mai a Paula Griffin ki te whakakī i tana turanga.

I eke a Latu i te haurua tuarua ki te āwhina i tana kapa, ahakoa i te mamae tonu ia.

Me pakari te kapa mō tā rātou tukinga e whai ake nei hei ēnei rā whakangā ki te kapa Queensland Firebirds.

Ko te tikanga koinei tētahi o ngā tukinga uaua mā te kapa Mystics, kāore anō rātou kia turaki i tēnei kapa nō Ahitereiria i te whakataetae Poitarawhiti ANZ.

Hei tēnei Rātapu kitea ai mēnā ka riro i a rātou i taua wikitōria.