Kāhore e roa ka takahī a Jarrad ki tāwahi kia mutu ai tana takaro whutupōro ki reira.
Hei tā Jarrad Hoeata, “te kore e takaro ano mā te kapa Māori, ngā Highlanders me Taranaki, kātahi te mamae, engari kei te titiro whakamua ki Cardiff.”
He maha ngā ekenga whakaharahara a Jarrad i ngā tau tekau kua hori, a ko ana whakamātautau e toru mā te kapa Ōpango i te tau rua mano tekau mā tahi, ko te takaro mā te kapa Māori mai i te tau rua mano mā whitu, me te wikitoria a taua kapa ki ngā kapa o Ingarangi me Airani i te tau rua mano tekau, engari ko te kapa takiwhitu o Aotearoa tana kapa a motu tuatahi.
Kāhore ano tana aroha mō tēnei hākinakina kia mimiti noa.
Kua moko te ika awhiro i tetahi kirimana e toru tau te roa ki te kapa Cardiff Blues ki Wēra, ā, ka wehe atu ia hei te mutunga o te whakataetae Super 15 nā reira kāhore ia e takaro ano mā tana kapa o Taranaki.
Hei tā Jarrad, “E wha tau au e takaro ana ma nga Highlanders, e waru ma Taranaki, kua piritahi au ki ngā kaitakaro, ki ngā kaiwhahaere, ki ngā kaiako na reira ka mokemoke au i taku wehenga ake"
Kāhore e kore, ka mokemoke hoki ana hoa takaro i tana wehenga atu.
