E whai wāhi nui ana ētahi Māori ki ngā mahi whakatikatika e oreore tonu ana ki Whenuatū,

E whai wāhi nui ana ētahi Māori ki ngā mahi whakatikatika e oreore tonu ana ki Whenuatū, e ono marama i muri mai i ngā whiu o Huripari Pam. Kei waenganui rātou i ētahi ākonga ringarehe nō Te Aho a Māui e tākoha atu ana i o rātou pūkenga.

E toru ngā whare hauora e whakatikahia ana e ngā tauira, ā, kia whakatuwherahia aua whare rā, ka māmā ngā taimahatanga mō ngā kaimahi o te hōhipera i Port Vila, e ruarua nei ngā rauemi.

I te marama o Poututerangi, i parekuratia te moutere e huripari Pam; Rua tekau neke atu ngā tāngata i hemo, e toru mano te hunga i mahue kainga kore ai.

Kei te mahi tēnei tira tauira ki Paunagnisu me Erakor, kei te tai tonga o Vanuatu. Ā, hei tēnei wiki ka hoki mai ki te wā kainga.