Tērā te whakahau ana te Minita Take Manene ō-mua, a Tuariki Delamere ki te kāwanatanga, me whakahōnore te kī taurangi e whiwhi pane uruwhenua ai ngā manene kaipakihi kia noho kāinga pūmau mai ki Aotearoa. I tana tono ki Te Minita Take Manene, ki a Iain Lees-Galloway, kei te hiahia ia kia whakakorea te kaupapa here a Nāhinara e whakatū taiapa ana ki ngā manene kaipakihi.
E ai ki a Delmare ka haere mai ngā kaipakihi nō tāwāhi ki Aotearoa, me te whakaaro mā te mahi i tēnā, i tēnā ka noho motuhake rātou ki konei hei ngā tau e rua. Engari, e aro pū ana tōna matimati ki te Rōpū Nāhinara.
“Michael Woodhouse and the National government then said ‘haha we tricked you, we've added a C, didn't tell you about it, we’ve now added a C condition.’ Now for me, that's immoral, that's disgusting,” i mea atu a Delamere.
Mō tēnei whaea kua whai hua tāna tamāhine i ngā ākoranga o Tomatis, kia whakapai ake i te arotahi, nā Maria Lundqvist i kōkiri i te tono a te kāwanatanga i te tau tekau mā rua.
“It was like she was listening under water,” ka kī atu a Neville-Te Roto.
“And so through the method, we did it over a six month period, and completely turned around. She's listening perfectly, she's got a lot of confidence.”
Wheoi, kua nekehia ngā pou. Me piki ake ngā pakihi i te huamoni ināianei.
“I'm profitable, but it's the other people, it's my licensee’s that make the money, direct staff, not me personally,” i kōrero atu a Lundqvist.
“I came here to introduce a method with massive, massive value to New Zealand and now they say I don't make enough money that's ridiculous.”
Ka mutu, kua tuku reta e ono tekau mā rima ngā whārangi a Delamere ki te Minita Tari Manene hōu me ngāna tohutohu.
“I want him to take note of the Prime Minister's commitment to New Zealand. A kinder, fairer and better New Zealand. And that starts with honouring our promises,” i mea atu ia.
E whakaae ana a Minita Lees-Galloway e hanga koretake ana te ture nei mō ngā kaipakihi manene, ka mutu, ka āta tirotiro tāna tari i te take mō muri i te whakatutukinga o ngā kaupapa i oatitia e te kāwanatanga.