E whakahē ana ngā tangata huri noa i te ao i te whakakorenga o ngā hapori iwi moemoeā i te uru o Ahitereria

Aboriginal children showing support for #sosblakaustralia

Ahakoa te takitini o te hunga whakahē i te whakakorenga o tōna kotahi rau, e rima tekau nei te rahi o ngā hapori iwi moemoeā i te uru o Ahitereria, kei te ū tonu te pirimia o Ahitereria ki te Uru ki ngā mahere e whakamutua ai te tuku putea tautoko i ngā ratonga i ērā hapori, i roto i ngā marama e toru e haere ake nei.

Kei te pukuriri ngā iwi taketake puta noa i Ahitereria me te kī he mahi kōhuru tēnei. 

Kei te haere tonu te hīkoi puta noa i Ahitereria mō te kaupapa nei, me te hiahia a ētahi kia whai hoki ngā iwi Māori e noho ana ki Ahitereria, kia kaha tonu rātou te tautoko i te hapori iwi taketake, e pokea nei i tēnei whakatau. 

Kei te tautoko ētahi kaitōrangapū me ētahi tangata rongonui pērā i te whetu tarake o Hollywood a Hugh Jackman i te kaupapa whakahē.

I te tau ruamano tekau mā tahi i kōrero tahi a Jackman i runga i te hōtaka a George Stroumboulopoulos mō te wā i noho a ia ki roto i tētahi hapori iwi taketake. 

Ka whakahaeretia te iwi Tweed nō roto mai o Ahitereria ki te Uru tētahi hīkoi anō hei te wiki e tū mai nei.