Kua puta te tono kia whakawhānuingia atu ngā herenga waka ki Opua ma te kotahi rau e whitu tekau.
Pita Tipene, “He aru moni ngā moni o ngā iwi o tāwahi to rātou kaupapa ko te kaupapa o Ngāti Hine tiakina te awa tiakina ngā whenua inā oti pai tēnā ka ora te iwi.”
He awa tapu tēnei i hua mai i ōnā tikanga mai ra anō i Hawaiiki. Kua puta te kōrero a ngā hapū o Taumarere e kore rātou e tuku ma te kauihera te kōrero whakamutunga.
Hirini Henare, “Ko ta mātou e mea ana iaianei ki te kaunihera hāere mai kia kōrerotahi me mātou i te mea kahore mātou e hiahia ana kia whakawhānuingia atu engari hāere mai te kōrero kia taea e tātou te kōrero.”
He kaupapa tēnei na te ringa pakihi o te kaunihera a Far North Holding Limited engari kahore anō kia hua noa ngā mahi me ngā oranga i matapaetia ai ka puta mā ngā whakatupuranga ka mutu ko te nuinga o ngā herenga waka kua riro ma iwi kē.
Inā whakaaetia te tono ko tīmata ngā mahi ki konei i mua i te paunga o te tau.
