E whakanui ana Te Kāhui Rangatahi i ngā tikanga o te Kingitanga

Torutoru noaiho te hunga o te reanga rangatahi o Aotearoa e whai ana I ngā kaupapa o Te Kingitanga.

Koira te whakatau a Te Kahui Rangatahi, he rōpū no roto mai o Te Kingitanga.

I Te Puia Marae, ka arotakehia tēnei kaupapa me te whiriwhiri he aha te huarahi whakamua, e tōia mai anō ai ngā iwi whai panga ki Te Kingitanga. 

E ai ki a Whati Ratu, “Te maha o rātou e noho kuare ana ki tēnei kaupapa nui me tēnei taonga nui o tāua te tangata, o tāua te iwi Māori. Na matou katoa tenei taonga o Te Kingitanga, na kei a ratou ano te tika mo enei ahuatanga o Te Kingitanga.”

Ka takahi tonu Te Kahui Rangatahi i ngā takiwā maha puta noa i Aotearoa me ta rātou whainga, kia ora tonu ai ngā kōrero, ngā taonga o te KIngitanga ki tua.