E whakanui ana a Te Rangi Āniwaniwa i tōna huritau rua tekau mā tahi

Kei te pā o Te Rangi Aniwaniwa, kei ngā pae maunga i waho ake i te taone o Kaitaia, te kura kaupapa Māori Aho Matua tuatahi o te Tai Tokerau e tū ana.

Ā, i te tatūnga mai o te tau hou Māori ka whakanuia rawatia e taua kura, tō rātou huritau rua tekau ma tahi tau.

Na, kua rua tekau ma tahi tau mai i tana whanaungatanga mai ki tēnei ao. A inaianei, he kōhanga Reo, he Kura Kaupapa, he Wharekura, he Wananga Maori e tu nei ki te Pa o Te Rangi Aniwaniwa mō ngā uri katoa o ngā iwi o Muriwhenua.

Hei tā D'Angelo Martin, “I tae matou ki tēnei tau rua tekau ma tahi, he tino honore nui tena mō matou te kura me matou o Te Tai Tokerau.”

Mō Te Irirangi Tawhara, he kaiako hākinakina ki te Kura, he kahurangi o mua i whai karahipi haakinakina kia tutuki ai i tētahi tohu pokaitahi Hākinakina, ko te pai o te whakanui i te rua tekau ma tahi tau o te Kura, ko te hoki mai ki te kainga ki te hapai ake i te kaupapa, ara, kia whangai hoki i ngā rangatira o apōpō kei te Kura i tēnei wa.

I te Rangi Aniwaniwa e anga whakamua ana ki nga tau ki mua i tana, ko etahi o nga wawata kia whakahaere i ngā momo 'academies' kia piki ake te kounga o ngā mahi ako.