E mea ana te Kaiwhakawā Matua o te Rōpū Whakamana i te Tiriti o Waitangi, ahakoa te whakatau a ngā iwi i ō rātou kerēme, ka noho tonu te rōpū whakamana hei pou whirinaki i roto i te hononga a te Karauna ki te iwi Māori.
Nā te minita o ngā take Māori ō-mua, nā Matiu Rata te rōpū i whakatū, otira kua whai wāhi atu ētahi o ngā Ika ā-Whiro ture o te Āo Māori ki taua rōpū, pērā i a Tā Taihukurei Durie me te Kaiwhakawā Caren Fox, engari e ai ki a Isaac, nā ngā kaikerēme rātou i whakamana.
Ko Hauata Palmer, nō Ngāi Te Rangi, te waewae tapu o te rōpū, ā ka noho ia ki te paepae ki te taha o ngā mātanga pērā i a Ahorangi Tā Hirini Moko Mead.
Heoi kei ngā ringa pai te rōpū i tenei wā, heoi ko te tūmanako ka haere tonu ngā mahi whiriwhiri i waenga i te Māori me te Karauna.
