E whakanuia ana ngā kaitākaro taiea e Te Arawa ki te pō tuku tohu

I whakanuia ētahi o ngā kaitākaro hākinakina taiea o Te Arawa i tā rātou pō whakanui i tū ai ki Rotorua inapō.

Hei tā Stephen Te Moni o Te Papa Tākaro o Te Arawa, “Ko te whakamānawa i ngā whakatutukihanga nunui whakaharahara o te hunga rangatahi o ngā iwi, o ngā hapū o ngā whānau o Te Arawa.”

I whiwhi tohu te kaitākaro poirewa a Melissa Ruru mō āna mahi hākinakina ki Aotearoa nei.

Otirā, ko te tohu mō te kaitākaro wāhine toa o te tau, i tukuna ki te kaihoe waka i ngā wai ngunguru ki a Dale Thomas.

Neke atu i te tekau mā rima tau tēnei pō whakaharahara e hāere ana.  Ka mutu, huhua ana ngā tangata taiea hei kōwhiringa mā rātou, he tohu pai hoki mō Te Arawa me āna mahuri tōtara e tipu mai ana.