Kei te whakatewhatewha Te Tari Taiwhenua i tētahi rōpū aroha mō te awhi i te hunga rangatahi whai muri i te putanga whakapae,he hononga pea āna ki te ahumahi ai.
Kua huri kau ake te aro o te whakatewhanga ki Te Poaka Tipua Charitable Trust i Ōtautahi, me tō rātou kai-tiaki a Veronica Stuart e whawhai ana kia mahea ngā whakapae kua ūhia ki runga i a ia.
I whakatūria te tarahiti Te Poaka Tipua hei āwhina i te hunga rangatahi e raru ana, inaianei ko rātou kē kua raru nei.
Kua whakawātea mai a Veronica Stuart i tana tūranga hei heamana o te Tarahiti, mema poari hoki.
E ai ki a Stuart, kua hāmenetia ia i runga i ngā whakapae mō te whakatū i tētahi karapu ahumahi ai tāne, ki te tari tonu o te tarahiti nei.
E rere ana ngā whakapāe mō tētahi hononga a te Tarahiti ki a Nikora Nitro, i whakawhiua e te ture i te tau rua mano tekau mā rua mō āna mahi ai me tētahi tamaiti, he tekau mā ono tau noa te pakeke.
E ai ki a Stuart, kei te whakaitia aia e ngā kaipakihi o te hapori, heoi kei te wareware ke rātou ko te hunga rangatahi tōna aronga nui.
Kei te haere tonu ngā mahi tirotiro a Te Tari Taiwhenua, heoi tāria te wā mēnā ka mōhio a Stuart mēnā ka taea e ia te hoki anō ki ngā tiriti o Ōtautahi mahi ai.
