E mōhiotia ana te maina Tui ko te keha o te maunga Te Aroha, otira, koia tētahi o ngā tukinotanga taiao kino rawa atu o Aotearoa.
Kō atu i te rua tekau mā rua miriona tāra te utu, ā kua rima tau ngā mahi whakapaipai e haere ana, kia ora ano ai tēnei waahi kia haumaru ai te hapori.
Engari ki te haukāinga, ahakoa he timatanga pai tēnei, e hia kē ngā whakareanga ka puta, kia whakahokia ra anotia te waahi nei ki tōna momo oranga i mua.
I te tau ono tekau mā whitu ko ngā mētara utu nui i keria te maina nei, engari i ērā wā i raro i te ture maina, kāore i herea te kamupene maina ki te whakapai i ana para, nō reira, i te wā i wehe atu rātou i te tau whitu tekau mā rima, he nui hoki ngā paitini i mahue iho.
Mā Te Papa Atawhai me te kaunihera a rohe o Matamata-Piako te maina nei e tiaki e whakapai hoki hei ngā rā kei te heke mai.
