E tūmanakohia ana, mā tētahi rauhītanga whenua hōu ki te motu o Aotea e tiaki i ngā tipu me ngā kararehe me te whakarahi ake i te hunga tāpoi ki reira.
Ahakoa te rangirua o ētahi o te iwi mana whenua, kei te tautoko tonu rātou i te kaupapa. Heoi, ko te mea nui i tēnei wā, ko te whakatika i ngā pākinotanga o te āwhā i tērā wiki.
Hei tā Rodney Ngaawaka, “I heke mai te wai i ngā awa katahi ka waipuketia i a matou whare ki tētahi whanga e kī ana ko Motairehe, katahi ka uru te wai ki to matou whare tipuna a Whakaruruhau.”
Ko tā Te Kaunihera o Tāmaki Makaurau, he tekau mā whā miriona tārā te nui o ngā tūkinotanga o te āwhā o tēra marama. E ai ki a Rodney, ko te mahi tahi, he taonga.
Hei tā Rodney, “Ko te mahi tahi o te mana whenua me te kawanatanga te huarahi tika ki te anga whakamua.”
Ko te mahi nui ano kei tua, ko te whakataunga kereme a Ngāti Wai rāua ko Ngāti Rehua, e tumanako ana rātou ka oti i ngā marama tata kei te hāere.
