E whakapau kaha ana ngā kaihaka ki te whakarite ā-tinana mō Te Matatini

Taroi Black

E hia marama, tau rānei ngā kai-haka o ngā kapa ā-rohe toa o te motu e whakapau kaha ana ki te whakarite ā-tinana nei, kia tū pakari ai ki te papa whakatuwaewae o Te Matatini. 

Mō Tiare Tawera, nā te ao haka tonu ia i tahuri ai tona aro ki te whakapakari i tōna hauora, hēoi kaore i mutu ki reira mōna,  engari ka ū tonu ia ki ngā mahi whakawhena uaua atu ki ngā whakataetae ā-motu.

He hākinakina rānei te kapa haka?

E ai ki a Tawera, “Kao, kao, kore rawa. Ki au nei he rerekē rawa atu te hākina. Ko te hākinakina ko ngā mahi whakangungu me ngā mahi heoi anō ko te kapa haka ko te kawe i ngā tikanga a kui mā a koro mā.”

Ia rua tau ka whakaaturia Te Matatini i ngā kaiwhakataetae pūrotu, ngā kaiwhakataetae pakari hoki o te āo kapa haka.

Engari mō Tiare, ko te whakapakari tinana tētahi o āna kaupapa nui ia rā.  Ko te whakaatu i āna maihara, he wāhanga anō hei whakatinana i āna mahi i runga atamira o tātā whāinga.

Hei tā Tawera, “Ki te whakamahi tātou i tēnei mea te kapa haka e tāea ana e te tangata te whakaatu atu ki ngā tāngata maha katoa.

Nāreira neke atu i te ono tekau ngā mema o te ao kapa haka e tū ana ki Te Matatini ae kei te āwhina ahau i a rātou kei roto rātou i ngā rōpū pērā i a Te Matarae i o Rehu, Ngā Pou o Roto, Te Pou o Mangatāwhiri, ngā kapa e rua o Ahitereria.”

E mea ana ētahi kei te kaha rawa te hunga kaihaka.

Engari kia Tiare, he kaupapa whakatenatena te whāinga.