I whakatūwherahia te whakataetae pā whutupōro mō ngā kura tuarua o Aotearoa ki Tāmaki Makaurau i te rā nei. Karapine ai ngā kura whā tekau mā whitu nō ngā wāhanga katoa o te motu ki te pakanga ki ngā wāhanga e toru.
Ko te kura tamatāne o Rotorua i wikitōria i te taitara tāne i tēra tau. Ko tā rātou tukinga tuatahi ki te kura tamatāne o Whangarei, ahakoa te mania o te papa, ngāwari noa mā Rotorua te eke ki te rārangi piro i te haurua tuatahi.
Ahakoa i hoki mai a Whangarei ki te whai i ngā piro e toru karapīpiti i te wāhanga tuarua, wikitōria tonu a Rotorua i tā rātou tukinga tuatahi, he ono ki te whā.
Hei te Rātapu tū ai ngā whiringa toa mō ngā wāhanga e toru o te whakataetae.
