E whakapono ana a Delamere ka haumarutia te Tiriti ki raro i te whakaaetanga TPPA

E ai ki te Minita Take Manene ō-mua, ki a Tuariki Delamere, kua huri tuarā te Māori i te TPP nā ngā mahi whakamataku a ētahi.  E whakapono katoa ana a Delamere, ka tika tā te whakaaetanga hokohoko rā whakamarumaru i te Tiriti o Waitangi.

Ehara a Tuariki Delamere i te tauhou ki ngā mahi porotiki, na reira hei tāna kei te anuanu hāere ngā porotiki mo te TPP.

E whakapono ana te kaitōrangapu o mua o NZ First, ma te wāhanga rua tekau ma iwa ma ira kati ono o te TPP ka noho haumaru ai te Tiriti o Waitangi.  Na reira kia kaua a Ngāi Māori e aro ki ngā kupu whakahē.

Ahakoa te tū whakahē a te kāiarahi o Reipa a Andrew Little, e ai ki a Delamere kei reira tonu etahi o Reipa e tautoko tonu ana i te whakaaetanga.

Otira hei tā te Tumu Whakarae o FOMA a Traci Houpapa o ngā whenua tekau ma rua ko Aotearoa anahe te whenua e whakamana ana i to ratou iwi taketake ma te noho haumaru i te Tiriti Waitangi, heoi hei tāna me kapo tonu i ngā whakāro o te marea.

Pera ki a Houpapa, hei tā Delamere me whai māramatanga te hapori whanui ki nga mokamoka o te TPP hei nga marama e haere ake nei.