E whakareri ana a Marama Elkington ki ngā whakataetae a Ao

Rahia Timutimu

Ko Marama Elkington te toa i te reanga Ika ā-Whiro wāhine o Aotearoa, i whakangungu i tana taitara, nāna anō i wikitōria i tēra tau.

He taitara i wikitōria tuatahitia i ōna tau tekau mā ono, i tēra tau.

Heoi he pae anō e rehurehu mai ana ki tua mo Marama. Hei te marama e tū mai nei, whakawhiti atu ai ia ki Ahitereiria, ki te mana whenua o te wāhi e pīkau nei i ngā whakataetae waka ama a Ao, ērā rā ka tū i ia rua tau.

I runga i tōna kaha pikoko kia wikitoria ai, ka whakaharatau a Marama, e ono ra i te wiki, pō te ao, ao te pō.

Nōnākuanei ka tae ai te poniponi nei ki Te Whare Wānanga, ki te whai i tana tohu pūtaiao. Ka mutu, e whakamahia ana e ia ōna mātauranga e māmā iho ai te utu, kia tae ai ia ki aua whakataetae rā. 

He ruarua ngā tāngata kua whakapā atu ki aia, ā, tōna tikanga hei ngā rā whakangā ka whakaakohia ai.

E toru wiki te roa mā Marama hei whakareri i aia anō mo ngā whakataetae a Ao nei, ka tīmata hei te tuarima o ngā rā o Haratua.