E whakareri ana ngā toa Crossfit mō te whakataetae Industrial Hawke's Bay Open hei ēnei rā okioki

He tutukinga nui whakaharahara mō te matakikoha mō Erin Gladstone te whai wāhi atu ki te whakataetae o te ao, ko te tūmanako ia kia tutuki anō ai i tēnei tau, engari ko te tuatahi me aro pū ki te whakataetae hei ēnei rangi whakatā.

Hei tā Henry Heke, kaiwhakahaere o HB Crossfit, "Tokorua ngā toa o te ao kei te haere mai, ko Ruth Anderson Horrell rāua ko Gary Jones mā tō rāua taenga mai e whakahihiko te hunga whakataetae."

Kua eke ia ki tōna tau tuatoru, otirā, he horo te kikī o ngā tūranga, nō reira, i whakatūria e rātou he rārangi motuhake mō te hunga e hiahia ana ki te whai wāhi atu engari auare ake.

Hei tā Heke anō, "I tōna tau tuatahi, 60 ngā tāngata i whai mai, i tērā tau 160 i whai mai, i tēnei tau e rua ngā wāhanga, ko tētahi mō ngā pakeke ko tētahi mō ngā rangatahi, nō reira, he rua rau rima tekau neke atu i whai mai.  He tohu rangatira tērā."

I whakaakongia e Heke te haka Māori ki ētahi o ngā toa Crossfitters o te ao i te whakataetae CrossFit tour ki Queenstown, ko Jason Khalipa te tuarua o te ao tētahi o rātou.

Otira, koinei te wairua Māori ka kawea e ia ki te whakataetae hei ēnei rangi okioki.  E rua ngā rā ka haere tēnei whakataetae, otira, katoa ngā mea nakawhiti ka whakamātautauhia.