E whakarite ana Ngā Mamaku mō te tukinga tuatahi i tēnei tau hei tēnei Rāhoroi, ki ngā Wallaroos nō Ahitereiria . Ko ngā wāhine ērā ka tuki atu i mua i ngā kapa tāne, ā, e hīkaka ana ngā wāhine ki te tākaro ki tētahi whare hākinakina waru tekau mano tūru te nui.
Kua whai kirimana ēnei kaitākaro wāhine nō Aotearoa, heoi anō koirā noaiho te rerekētanga mā Ngā Mamaku.
Ia rātou e whakarite ana mō te tukinga tuatahi o te tau, ki ngā Wallaroos ki Poihākena hei ēnei rangi whakangā.
Ka tākaro ngā kapa wāhine i mua tonu i te tukinga a ngā kapa tāne, ki te whare hākina o Ahitereiria, ki reira nōhia ai ngā kaimātakitaki waru tekau mano, neke atu.
A, he kanohi hou kei tēnei kapa, heoi anō ko te hiahia kia pupuri tonu ki te rīkoata tekau mā rima karapīpiti toahanga te nui ki te kapa nō Ahitereiria.
Hei āpōpō whakaingoatia ai te aro ā kapa.
