E whakataetae ana ngā kaieke ngaru toa o Aotearoa ki te moana o Pīhā, ā, kua kitea i te mahi whānau e poipoi nei i te wahine toa o Whaingaroa kia āhei ia ki te eke ki te taumata toa mō te wā tuatahi.
I hopu ngā tauhou i ngā ngaru o whakataetae.
Ko Jessica Santorik tētahi o ngā kaiheke ngaru toa kua tae ki ngā whiringa toa, i tēnei tau kua kite ia i ngā hoariri hou e whakapiki i te taumata whakahekeheke. I te ata nei ko tōna tātawhai mō te whiringa whakamutunga.
E roa nei te whānau Santorik e whakataetae, me te tautoko i ngā mahi eke ngaru, ahakoa ki roto i te moana, ki roto i te tima arahi rānei. He mahi-ā-whanau.
I ngā tau o mua, neke atu i te whā ngā whakataetae puta noa i te motu. Ināianei, ko tēnei te whakataetae ā-motu o Aotearoa.
Ko tēnei te whakataetae rima tekau mā rua, ā, ko tēnei hoki te wā tuangahuru mā tahi kua tū ki Pīhā, hei āpōpō ka whakatau ko wai ka eke i ngā ngaru nunui o angitū.
