I kotahi atu ngā hapū o Tauranga i tēnei rā ki te kake i tō rātou maunga tupuna a Mauao hei whakatairanga i te oranga hauora. He tuatahitanga a 'HapuFit' ki te moana o Tauranga, ā, ko ia tēnā e wero atu ana i ngā uri kia kōwhiria tētahi o ngā huarahi e rua.
Kāre ngā tatahi o Tauranga i kikī i te kiripāinaina, engari kē i te waewae omaoma, me te manako ki te whakahou i a rātou anō.
Tini me te mano, rangatahi mai, pakeke mai anō hoki.
E rua ngā kōwhiringa mā ngā kaioma, he haere huri rauna i a Mauao katahi, karua he kake ki te tihi.
I āta haere ētahi, ā, mō ētahi atu, he kite i te taha ngahau te mahi.
He tuatahitanga a 'HapuFit', hei hono i nga iwi o Tauranga ki tō rātou pūtake mā te kori tinana.
Koinei te wero tuatahi o ngā wero e toru mō te tau, me te manako a te mutunga o te tau ka piki te ora me te kaha i waenga i nga uri o te moana.
