E whakatewhatewhangangia ana ngā mahi a ngā pirihimana whai muri i te matenga o tētahi tāne, i Ahuriri

E āta whakatewhatewhangangia ana ngā mahi a ngā pirihimana whai muri i te matenga o tētahi tāne, e rima tekau mā toru tau te pakeke, ki Ahuriri inapō.

I hinga te tangata nei i te wā e mauheretia ana a ia e ngā āpiha tekau inapō mō tāna haupatu kikino nei i ōna mātua i tō rāua whare i Heretaunga, a, i tūrorotia ai tōna pāpā ki rō hōhipera.

I tēnei taunga waka i Westshore i waenganui pō rā, he tekau ngā āpiha i tae mai, he pūhiko e rua, he rehu pepa me ētahi kurī wā rātou ki te mauhere i te tangata, he rima tekau mā toru ngā tau i te noho ki tōna motoka.  E meatia ana, i patu ia i ōna mātua ki te rākau.

E ai ki nga pirhimana i pūhia e rātou tetahi puhiko engari kaore i whakatauria mena i pā atu ki te tinana. I tukua hoki nga kuri hei ngau i a ia e nga kuri, ā i te wā i mauheretia a ia, i whakaeaea a ia, ā ka kōmā tōna kanohi. I ngana ngā pirihimana ki te whakaora i a ia engari auare ake.

He pūhiko anō i pūhia i taua wahi, engari, kei te whakatewhatewha tonu i tēnei take ki te kite mēnā i mate ia i te pūhiko.  Kei te tiro hoki rātou i nga mahi tūkino ki ōna mātua.

E mea ana ngā pirihimana, he pounamu waipiro i kitea ki te motoka o te tāne, engari, kāore anō kia tau, mēnā i te haurangi ia.  Kua tukuna tōna pāpā i te hōhipera kia hoki atu ki te kāinga.