E toru noa iho ngā kēmu e toe ana ki tēnei wāhanga o te whatinga, ā, ko tā Kaiako Stephen Kearney e noho ai te kapa Warriors ki ngā kapa e waru o runga, me aro.
E whakatika nei te kapa Warriors ki te tuki atu ki te kapa Canterbury Bulldogs hai tēnei Rātapu.
E ai ki a Kearney, kai te ara tika tana kapa, ā, ki te ū, ki te aro, ka tutuki i a rātau ō rātau whāinga.
Kua nui ngā kaitākaro kua whara i te roanga o te whatinga, ahakoa tēnei e ngākau pai tonu ana a Kearney.
Tīmata ai te kēmu hai te whā karaka ki te papa ki ANZ Stadium, ki Poihākena.
