Kei te aru a Bodene Thompson, poumua Warriors, i tētahi tūranga ki te kapa Kiwi, whaimuri i ngā take wai hihiri, pire whakamoe i tērā tau ka whakaheke te karapu i a ia. Kei te manako a Thompson ka kounga anō tana tākaro, i whiriwhiria ai ia i te tau rua mano tekau mā whā.
Kua tau ngā mahi ā-roto, ā-waho hoki, ānō nei kua roa ake i te kōtahi tau tōna whakahekenga i te Kapa Kiwi.
Hei tā te uri nō Ngāi Te Rangi, "Ka hapa tātou, kua ako kē mātou. He ākonga te hapa, me mātua mōhio kāore i te pai."
Tokomaha ngā poumua e tātāwhai ana ki a Thompson. Ahakoa kāore ia mō te whakaaro ki tērā wā, kei te manako a Thompson kia whakamau i te poraka pango.
"Ka pērā hoki te nuinga o ngā kaitākaro Kiwi, kia tū ai hei kaitākaro mo te motu. Kāore e kore ka whakaaro koe ki tērā."
He whāinga anō tā Thompson whaimuri i te whakaingoatanga o Adam Blair hei kāpene. I ngā rā o mua tākaro ai rāua ki te kapa West Tigers, he tino hoa hoki rāua.
"He tino ngaio, he tangata whānau ia hoki. Kāore ia mo te hāneanea, kore rawa aku kupu mōna kia mīmiti."
Ahakoa ko ia te kairutu tuarua i muri i a Simon Mannering, kua kore rā tōna hautukituki i ēnei rā.
"Kua rangirua au. No reira, me ū ki ngā mahi kia tutuki pai i au."
Rua tekau wiki e toe ana ki te ipu o te ao, ka whakawātea mai a Thompson ki te aruaru i te tohu a David Kidwell.
