E hiamo ana te Uniana Tauira o Aotearoa i te kōrero i puta i te Kāwanatanga kia whakapiki ake i te pūtea taurewa-a-tauira mā te rima tekau tāra.
Hei tā te uniana, he rongopai tēnei ki ngā tauira, me te aha, koinei te tautoko-a-pūtea nui i te ngahuru tau ka hori nei. E mea ana te ripoata whakapaunga utu a te uniana, kei te takiwā o te toru rau tāra kei te whakapaua e te tauira ia wiki. Ko te nuinga o tēnei pūtea i utu i ngā rēti-a-whare, te kai me ngā utu oranga.
