Farmer swamped by Lake Ōmāpere - Feature

E tata ana ki te rua rau eka o te paamu miraka kau o Doug raua ko Chris Small kei raro tonu i te wai no te pikinga ake o te roto o Omapere i te ua ma te kotahi mita neke atu.  Me te aha, ki ngā matapae tēna pea ka wha marama ano kia heke ai te roto ki tōna āhua i mua atu i te awha.

For trans please - Doug Small says, “Very hard the exceptional rain fall and it’s really demoralisin.

Heoi ano, he tirohanga ano tā te iwi kua roa e noho kainga mai ana ki ngā taha o Omapere.

Hei tā Ani Martin mo Lake Omapere Trust, “Aroha atu ana kia rātou ko te mea kee e kapo ana te roto i to rātou ano wahi i noho ai rātou i mua atu o ngā taima katoa i tutu ai ngā iwi nei ki te roto.  Aianei na kua hoki ano ki tona ano wahi”.

No tēnei wiki katahi ano ka hāere mai ngā kanohi o Te kaunihera o Te Taitokerau me Federated Farmers ki te kōrero kanohi ki te kanohi me ngā kaitiaki i te roto o Omapere.

Hei tā ano a Ani Martin, “Me mahara tātou no tātou te wai neki ehara no tauiwi no tātou. Ma tātou ano ka tino ora ai but me mahi ano tātou mahitahi ki ngā pakeha neki me mahitahi tātou but me pehea oh well kei a rātou kia hāere mai rātou kia tātou well ka awhi atu tātou.”

Ina tirohia tēnei takiwa e kore hoki e ngaro he tino kainga tēnei.  Mai rā ano he huringa no ngā tupuna ā koinei to rātou ano kapata kai.  Ko te roto nui rawa o Te Taitokerau he roto motuhake tēnei puta noa i Aotearoa na te mea no te iwi te papa ā no te iwi hoki te wai.

Ki ngā tatau a Te Kaunihera o Te Taitokerau, he tekau ma rua miriona rita pūtoru te kakenga o ngā wai o te roto, na kua oti kee i a Doug Small te rapu tikanga e horo ai te puta o aua wai kia wawe ai tana hokinga atu ki te mahi pāmu.

Na ngā awhina nui a te peke putea kei te takiwa o te tekau miriona taara i whakapaua e Doug Small i tera atu tau hei hoko i tona pāmu nareira ahakoa te aha kei te titiro whakamua tonu ia ki te pae tawhiti.

Hei tā Doug, “Yes very much the long run, yep I intend to raise my family here, I intend my sons to farm this farm so, it not a flash in the pan its continual improvement.”

Ahakoa te rereke o ngā tirohanga e marama ana ko te oranga o ngā wai te kaupapa matua ā ma te mahitahi ra ano ka eke ngā wawata o nga tāngata katoa e whai pānga ana ki tenei taonga. He taonga tino whakahirahira no te iwi no ngā hapū o tēnei takiwa.