He reo rōreka kua mū. Nō te Raapa nei mate ai a Horomona 'Solly' Te Heuheu Pohatu.
He kaiwaiata o mua o ngā pēne Māori Hi Five, Māori Volcanics hoki te uri nei o Ngāi Tamanuhiri.
Nōna e mahi waiata i takahia nei e ia ngā tōpito katoa o te ao.
Whitu tekau mā waru tōna pakeke ka mate nei.
Tokowhā āna tamaiti, tekau mā whā āna mokopuna.
Kei Tamanuhiri marae i Muriwai ia e tīraha ana, hei āpōpō whakahoki ai ki te rua kōiwi o ōna mātua tīpuna ki Whakore-koretekai.
