Ko Tā Toby Curtis karanga ki ngā iwi kia tū mai ki te haukoti i ngā mahi tūkino tamariki ki ō tātau hapori. He kōrero tēnei ka whai ake i te whakatau i puta ki runga i te tokorua i whakamate i a Moko Rangitoheriri, toru tau te pakeke ki Taupō i te tau ka huri.
E pukuriri ana a Tā Toby Curtis na te mea e haere tonu ana ngā mahi tūkino tamariki ki Aotearoa.
“Kei te kino aku whakaaro, kei te mamae!”
Inanahi nei ko tini, ko mano i takahi i te huarahi huri noa i te motu me te karanga whakamutua ngā mahi tūkino tamariki. E kī ana te kōrero i roto i te rima wiki, kotahi te tamati ka mate na kona e whakapono ana a Tā Toby me whai wāhi ngā iwi ki tēnei kaupapa.
“Me kaha te iwi ki te tautoko te whakaaro he mahi hē tēnei te patu i o tātau tamariki.”
Hei ko Tā Toby me whai wāhi ngā iwi ki te Uehā Mātātahi i te mea ki te hiahia ngā tari kawanatanga ki te whakamutu i ngā mahi tūkino tamariki me whakatinana rātou i te kōrero.
“Me kaha a CYPS ki te tiki wa tātau tangata Māori, wāhine Māori ki te roto ki roto i ta rātou tari, kia pai ta rātou mahi ki te taha o te iwi.”
Hei ko tā Tony he take nui tēnei ka wānanga ano ki roto i te hui a ngā iwi rangatira.
