Ko Sam Cane rāua ko Anton Lienert-Brown
E mauritau ana te kapa Ōpango i tō rātou mōtērā i te rā nei, ahakoa te tūpono ka kore pea rātou i te Ipu o te Ao hei tēnei wā ā tērā wiki.
Nā te toahanga nui a te kapa o Hapani ki a Kotirangi inapō, kua ahu tuatahi atu ai te kapa hau kāinga ki ngā whiringa whānui, ā nā tērā, ka tūtaki atu te kapa Ōpango ki te kapa whakamutunga ki te turaki i a rātou. Ko Airangi tērā, i hinga i te kapa tangata whenua i ngā puna tākaro, ka haere ki te whare hākinakina o Tōkyō me te mōhio, ko te whakamātautau nunui rawa kei ō rātou aroaro.
I te Noema ki muri, nā ngā kākāriki i whakaihuwaka ki Dublin, 16-9, he whakamātautau i toa ake ai a Joe Schmidt i a Steve Hansen. He whakatā ohorere kē te mahi a ngā Ōpango i te whakakorenga o tā rātou tukinga ki a Itāria nā te whiu a Huripari Hagibis.
Hei tā Hansen, he painga i hua ake i te whakatā.
"Having a week off is not a bad thing. We are quite excited by that fact," tana kōrero ki te hunga pāpāho i te rā nei.
"It has allowed us to work really hard Friday, our GPS numbers were the equivalent, or just above what a normal test match would be.
"So we don't feel like we have lost any opportunity to get ourselves where we need to be."
Tua atu i tēnā, e ai ki a Sam Cane i mātakitaki ngātahi ngā Ōpango i te tākaro a Hapani inapō, ā i mīharo katoa rātou.
“The speed that the Japanese played at, the skill level - they’re the real deal” tāna kōrero.
Mā te eke noa atu ki te whiringa toa ngā kapa e rua ka tūtaki i te tauwhāinga nei.
Ka tākaro ngā Ōpango ki a Airangi hei te Pōhoroi NZT, ā ka tuki atu a Hapani ki ngā Springboks hei te Pōtapu.
